Scoutsrentrée

D’Beetebuerger Guiden & Scouten organiséiere samschdes, de 27. September vu 14.00 Auer un hier Scoutsrentrée am Home St. Luc.

Hei sinn all déi Jonk vum Cycle 2.2 un häerzlech Wëllkomm, fir sech mat altersgerechten Aktivitéiten am Fräien en Nomëtte laang ze amuséieren an erauszefannen, wat et heescht, eng Guide oder e Scout ze sinn.

An d’Eltere kënne sech mat de Chef aus dem Grupp austauschen an sech informéieren, wat fir eng Erausfuerderungen op hier Kanner bei eis waarden.

Fir Iessen a Gedrénks ass gesuergt. Fräien Entrée.